پاکستان کے ہر دل عزیز کھلاڑی محمد رضوان نے ایک بار پھر پوری قوم کے دل جیت لیے۔ پی سی بی کی جانب سے راولپنڈی میں کھیلے جانے والے میچ کی ویڈیو شئیر کی گئی ہے جس میں محمد رضوان آسٹریلین بیٹسمین مارنس کا ہاتھ چوٹ لگنے پر دبا رہے ہیں اور انھیں تسلی دے رہے ہیں۔
پی سی بی نے ویڈیو کا کیپشن دیا ہے کہ "محمد رضوان مدد کرکے بہت زیادہ خوش ہیں" ۔ ویڈیو میں دیکھا جاسکتا ہے کہ نعمان علی کے مقابل کھیلتے مارنس کو زور سے چوٹ لگتی ہے اور وہ فوری طور پر وہاں سے ہٹ جاتے ہیں جبکہ محمد رضوان ان کے پاس جاکر ان کا ہاتھ دباتے ہیں۔ یہ ویڈیو سوشل میڈیا پر تیزی سے وائرل ہورہی ہے۔
راولپنڈی میں پاکستان اور آسٹریلیا کے درمیان کھیلا جانے والا یہ پہلے ٹیسٹ کا چوتھا میچ تھا جو دوپہر ایک بجے شروع ہوا۔ پچھلے 24 سالوں میں آسٹریلیا پہلی بار پاکستان کا دورہ کررہا ہے جبکہ اس سے پہلے سیکورٹی وجوہات کی بناء پر آسٹریلیا کی جانب سے منسوخ کردیئے گئے تھے۔ اس دورے میں آسٹریلین ٹیم 3 ٹیسٹ، ایک انٹرنیشنل ون ڈے اور ایک ٹی ٹوئینٹی کھیلے گی۔