زندگی موت سب کچھ اللہ پاک کے ہاتھ میں ہے، یہ بات تو ہر کوئی جانتا لیکن اب اس کا منہ بولتا ثبوت بھارت میں پیش آنے والا ایک واقعہ ہے جس میں مردہ قرار دی گئی بچی آخری رسومات کے وقت زندہ ہو گئی۔
ریاست کرناٹکا کے ضلع رائچور میں ارپا اور امارما کے ہاں 10 مئی کو سرکاری اسپتال میں بچی پیدا ہوئی ۔ اس کے بعد انہوں نے بچی کو علاج کی غرض سے نجی اسپتال منتقل کر دیا۔
نجی اسپتال میں 3 دن علاج ہونے کے بعد ہفتے کے روز بچی کا انتقال ہو گیا۔ بچی کو مردہ قرار دیے جانے کے بعد والدین اسے واپس اپنے گاؤں لے آئے اور جب اس کی آخری رسومات کی تیاری کی جا رہی تھی۔
تو ایک رشتہ دار نے بچی کو سانس لیتے دیکھا جس کے بعد سب حیران ہو گئے۔ اور پھر اس واقعے کے بعد بچی کو دوبارہ سے ایمبولینس میں اسپتال لے جایا گیا جہاں اب اس کا علاج ہو رہا ہے۔