پاکستان کے مشہور سیاستدان ذولفقار علی بھٹو جن کا نام دنیا بھر میں جانا جاتا ہے۔ ان کے چاہنے والوں کی فہرست بڑی ہے اور ان میں سے ایک ماضی کے اداکار شاہد بھی تھے جنہوں نے برسوں بعد یہ بات ایک نجی ٹی وی کے شو میں کہی کہ اس وقت کے محترم جج صاحب جنہوں نے بھٹو صاحب کے کیس میں انہیں پھانسی کا فیصلہ سنانا تھا۔
وہ ان کے قریبی دوست تھے اور بہت زیادہ انصاف پسند تھے۔ تو بھٹو صاحب کی پھانسی سے پہلے اداکار شاہد کہتے ہیں کہ میں ان کے گھر رات میں چلا گیا جہاں ان سے ملاقات ہوئی تو میں نے ان سے کہا کہ آپ بھٹو صاحب کو پھانسی نہ دیں، عمر قید کی سزا سنا دیں جس پر وہ غصہ وہ گئے اور کہا کہ کون ہو تو، تم کوئی سیاستدان ہو یا کیا ہو۔ چلے جاؤ یہاں سے۔
اس کے علاوہ ان کا یہ بھی کہنا تھا کہ میں ذولفقار علی بھٹو کا اس وقت بھی مداح تھا اور آج بھی ہوں، میری پہلی ملاقات ان سے 1971 میں ہوئی۔ یہی نہیں انہوں نے بھی کہا کہ وہ ایک بہت بڑے لیڈر تھے، انہوں نے پاکستان کیلئے کیا کیا اور بھی کرنا تھا اور ایسا لیڈر پاکستان میں دوبارہ نہیں آئے گا۔ واضح رہے کہ یہ سب باتیں اداکار شاہد نے 2021 میں نجی ٹی وی کے ایک شو میں کہیں۔