بی بی سی کے مطابق پاک فوج نے شیریں مزاری کی صاحبزادی کے خلاف ایف آئی آر درج کروادی ہے۔ لیفٹیننٹ کرنل سید ہمایوں افتخار نے پولیس کو بتایا کہ شیریں مزاری کی بیٹی ایمان مزاری نے 21 مئی کو جنرل قمر باجوہ کے خلاف تضحیک آمیز بیان دیا تھا۔
فوج کا موقف
فوج کا موقف ہے کہ ایمان مزاری نے 21 مئی کو جو بیان دیا اس کا مقصد فوج کے خلاف نفرت، بے یقینی اور افراتفری پھیلانا تھا۔ ایمان مزاری کا بیان فوج کی شبیہہ خراب کرنے کی اور عوام میں فوج کے حوالے سے ڈر اور خوف پیدا کرنے کی سازش ہے جو ریاست کے خلاف سنگین اور قابل سزا جرم ہے۔
21 مئی کو کیا ہوا تھا؟
واضح رہے 21 مئی کو
پولیس شیریں مزاری کو ایک کیس کے سلسلے میں کے گھر کے باہر سے اپنے ساتھ لے گئی تھی جس کے بعد ایمان مزاری نے متنازع بیان بھی جاری کیا تھاالبتہ بعد میں شیریں مزاری کو رہا کردیا گیا تھا۔
ایمان مزاری کا جواب
ایمان مزاری سماجی کارکن اور وکیل ہیں۔ ان کا کہنا ہے کہ وہ فوج کی ایف آئی آر پر قانونی طریقہ کار پر غور کررہی ہیں اور جلد ہی کوئی قانونی راستہ اختیار کریں گی۔