اس آرٹیکل کو کھولنے سے ہی ہم اندازہ لگا سکتے ہیں کہ یا تو آپ خود جولائی میں پیدا ہوئے ہیں یا پھر آپ کا کوئی پیارا اس مہینے میں پیدا ہوا ہے۔ تو چلیے آج ہم آپ کو جولائی کے خوبصورت اور ٹھنڈے مہینے میں پیدا ہونے والے لوگوں کی خصوصیات بتاتے ہیں۔
مثبت سوچ رکھتے ہیں
جولائی میں پیدا ہونے والے لوگ مثبت سوچ رکھتے ہیں اور ہر ممکن صورتحال میں اچھا پہلو تلاش کرنے کی صلاحیت رکھتے ہیں۔
مشہور ہوتے ہیں
مشہور افراد میں اکثر لوگوں کا تعلق اس مہینے کی پیدائش سے ہوتا ہے۔ پاکستان میں جولائی میں پیدا ہونے والی مشہور شخصیات میں سابق صدر آصف علی زرداری، اداکارہ مایا علی، صنم بلوچ، ہمایوں سعید، فاطمہ جناح اور مہدی حسن شامل ہیں۔
الٹے ہاتھ سے لکھتے ہیں
ٹائمز آف انڈیا کے آرٹیکل کے مطابق جولائی میں پیدا ہونے والے لوگ اکثر الٹے ہاتھ سے لکھنے والے اور لمبا قد رکھنے والے ہوتے ہیں۔ ویب سائٹ کے مطابق یہ نتائج ریسرچ کے زریعے اخذ کیے گئے ہیں
شخصیت
اس ماہ پیدا ہونے والے لوگوں کا مزاج نفیس اور متحمل ہوتا ہے۔ ان کا ستارہ لیو یا کینسر ہوتا ہے اس لحاظ سے یہ ہر فیصلہ بہت سوچ سمجھ کر کرتے ہیں، جلدی غصہ نہیں کرتے۔
بیماریوں کا شکار کم ہوتے ہیں
کولمبیا یونیورسٹی کی تحقیق کے مطابق جولائی میں پیدا ہونے والے بچوں میں تا عمر بیماریوں کا شکار ہونے کا تناسب کم سے کم رہتا ہے۔