سعودی عرب کے بادشاہ اور خادم الحرمین شریفین شاہ سلمان بن عبدالعزیز نے ولی عہد شہزادہ محمد بن سلمان کو سعودی عرب کا عزیر اعظم مقرر کرنے کا فرمان جاری کردیا ہے۔
سعودی بادشاہ کے جانب سے وزارت میں مزید تبدیلیاں بھی کی گئی ہیں جس کے تحت وزیر دفاع شہزادہ خالد بن سلمان کو وزیر دفاع اور يوسف بن عبدالله بن محمد البنيان کو بطور وزیر تعلیم مقرر کیا گیا ہے۔ البتہ باقی وزراء کے عہدوں کو برقرار رکھا گیا ہے۔
واضح رہے کہ 37 سالہ محمد بن سلمان نے ولی عہد بننے کے بعد سعودی قوانین میں کافی تبدیلیاں کی ہیں۔ خصوصاً خواتین کے حقوق کے لئے کافی کام کیا ہے۔ محمد بن سلمان شاہ سلمان بن عبدلعزیز کے 6 بچوں میں سب سے بڑے ہیں۔ محمد بن سلمان کی شادی 2008 میں سارا بنت مشہور ال سعود سے ہوئی۔ محمد بن سلمان کو دنیا بھر میں ان کی جدید پالیسیوں کی وجہ سے تنقید کا سامنا بھی رہتا ہے۔