میری لکھائی گندی ہے تو کیا ہوا میں ڈاکٹر بنوں گا۔ یہ الفاظ تو ہر کسی نے اپنی زندگی میں کہے ہوں گے۔ یہ بات ہے بھی بالکل ٹھیک محترم ڈاکٹر صاحبان کی لکھائی ایسی ہوتی ہے کہ کوئی شخص پورا دن بھی لگا دے تو اسے سمجھ نہ آئے۔
اسے صرف میڈیکل اسٹور والا ہی دیکھتے کے ساتھ سمجھ جاتا تھا جس پر آج تک دنیا کو حیرت ہوتی ہے کہ یہ کیسے ممکن ہے۔ بہرحال یہاں یہ بات اس لیے کی گئی ہے کیونکہ اس وقت سوشل میڈیا پر بھارت کی ریاست کیرالہ کے ڈاکٹر کی ایسی لکھائی کے چرچے ہیں جسے ہر کوئی آسانی سے پڑھ سکتا ہے۔
ہوا کچھ یوں کہ ڈاکٹر نتھن نریانن نے ایک مریض کو دوا لینے کیلئے جب پرچھی تھمائی تو وہ بھی دیکھ کر حیران رہ گیا یہ کیسے ممکن ہے مجھے تو سب سمجھ میں آ رہا ہے کہ میرے لیے ڈاکٹر نے کون کون سی دوائیں لکھی ہیں۔ تو بس یہ تصویر اسی لیے اب خوب وائرل ہو رہی ہے۔