اس معاشرے میں انسان کا جیون ساتھی اچھا اور نیک دل ہو تو دنیا ہی جنت سے کم نہیں لگتی۔ یہی وجہ ہے کہ ماضی کی مشہور اداکارہ ہیما مالنی اور ان کے شوہر دھرمیندر کے درمیان خوب محبت پائی جاتی ہے۔ جس کا واضح ثبوت دھرمیندر کی سالگرہ ہے۔
گزشتہ روز اپنے گھر میں ہی دھرمیندر نے دوسری اہلیہ ہیما مالنی اور دونوں بیٹیوں کے ہمراہ اپنی 87 ویں سالگرہ منائی۔ اس موقعے پر سماجی رابطے کی ویب سائیٹ ٹوئٹر پر ہیما مالنی نے شوہر کے خاص دن پر ان کی سالگرہ کی تصاویر اور ایک پیغام بھی درج کرتے ہوئے کہا کہ ان کی سالگرہ کے دن میں ان کی اچھی صحت کی دعا کرتی ہوں۔
اور انہیں اوپر والا ایسی صحت مند زندگی بخشے جو خوشیوں سے بھری رہے۔ میری دعائیں آپ کے ساتھ زندگی بھر رہیں گی۔ اس کے علاوہ ان وائرل تصاویر میں یہ بھی دیکھا جا سکتا ہے کہ دھرمیندر جی نے خوشی کے موقعے پر 2 کیک کاٹے اور گھر والوں کے ساتھ تصاویر بھی کھینچوائیں۔
تاہم اپنے بڑے بیٹوں سنی اور بوبی دیول کا والد کیلئے کوئی پیغام سامنے نہ آیا اور نہ ہی کوئی اس دن خوشی مناتے ہوئے تصویر سامنے آئی۔