“گلابی آنکھیں جو تیری دیکھیں، شرابی یہ دل ہوگیا“
خوشی سے جھومتے یہ بول گائے لیجنڈ کھلاڑی سرفراز احمد نے شان مسعود کی شادی کے موقع پر ہونے والی قوالی نائٹ کے موقع پر جس کی ویڈیو اس وقت سوشل میڈیا پر تیزی سے وائرل ہے۔ ویڈیو آپ بھی دیکھیں۔
ویڈیو میں دیکھا جاسکتا ہے سرفراز احمد اور شان مسعود دونوں ہی سیاہ باوقار شیروانی میں ملبوس ہیں۔ سرفراز احمد سے گانے کی فرمائش کی جاتی اور وہ ہنستے ہوئے مختلف گانے گاتے ہیں جبکہ شان مسعود بھی ان کے ساتھ شریک ہوجاتے ہیں اور محفل ایک دم پرجوش ہوجاتی ہے۔
واضح رہے شان مسعود کی شادی اس ہفتے ہوئی ہے جبکہ ان کا ولیمہ کراچی میں جمعہ کے روز ہوگا۔ شان مسعود کی اہلیہ نیشے خان کا تعلق پشاور سے ہے اور وہ ان کی پرانی دوست ہیں۔ قوالی نائٹ میں نیشے خان نے گہرے گلابی رنگ کا خوبصورت لباس زیب تن کیا تھا۔