کیارا اڈوانی کی شادی کسی شاہی شادی سے کم نہیں ہے جہاں مہاراجاؤں کی شادیوں کی طرح کا استقبالیہ سجایا گیا، خاص روایات کو بھی سامنے رکھا گیا اور ماڈرن انداز بھی اپنایا گیا۔ کیارا اور سدھارتھ کی شادی کسی ڈرامائی انداز سے کم نہیں ہے۔ دونوں نے صرف ایک فلم میں ساتھ کام کیا اور اتنی اچھی دوستی کی کہ شادی کے بندھن میں بندھنے کا فیصلہ کرلیا۔
ان کی شادی میں جہاں مہنگے تحفے، مہنگے کپڑے اور خوبصورت سجاوٹ نے ہر کسی کو دنگ کردیا وہیں کیارا کی لاکھوں روپے کی مہنگی چوڑیوں میں کُتے کی تصویر بنوانا ایک سوالیہ نشان بن گیا ہے کہ انہوں نے ایسا کیوں کیا؟
کیارا نے اپنی چوڑیوں میں سدھارتھ کے گذشتہ سال مرنے والے کُتے آسکر کی تصویر بنوائی ہوئی ہے۔ جو سدھارتھ کے دل کے بہت قریب تھا۔ کیارا کی چوڑیوں کی کُل مالیت 2 لاکھ 95 ہزار سے بھی زائد ہے۔ ان کو مشہور جیولری ڈیزائنر مرینالی چندرا نے بنایا ہے جنہوں نے اتیا شیٹی کی شادی پر بھی ان کے لیے چوڑیاں تیار کی تھیں۔