لوگوں کے دلوں پر راج کرنے والے بالی ووڈ کے شہنشاہ امیتابھ بچن کی طبعیت خراب ہوگئی جس کے باعث ڈاکٹرز کو گھر بلا لیا گیا۔
ہماری ویب ڈاٹ کام کی نیوز میں آپ کو بالی ووڈ سپر اسٹار امیتابھ بچن کی صحت سے متعلق بتائیں گے۔
امیتابھ بچن نے اپنے حالیہ بلاگ میں انکشاف کیاکہ گزشتہ رات اچانک اُن کی طبعیت ناساز ہو گئی تھی جس کی وجہ سے ڈاکٹرز کی ٹیم کو فوری طور پر علاج کے لیے گھر بُلایا گیا۔
اداکار نے بتایا کہ ان کی پسلیوں میں شدید درد اُٹھا جس کے بعد ان کے پیر کے انگوٹھے اور ہاتھ میں بھی شدید درد ہونے لگا جس کی وجہ سے فوری طور پر ڈاکٹرز کو رات گئے ہی گھر پر بُلانا پڑگیا۔
امیتابھ بچن کا اپنے بلاگ میں کہنا تھا کہ میری اُبھری ہوئی ہڈیوں اور جلد کے درمیان آبلے پڑ گئے ہیں، یہ بہت ہی عجیب بات ہے نہ کبھی پہلے ایسا سُنا نہ ہی تجربہ کیا تھا مگر اس کی وجہ سے شدید تکلیف میں مبتلا ہوں۔
امیتابھ بچن نے کہا کہ وہ جلد تندرست ہو کر کام پر جانا چاہتے ہیں ساتھ ہی انہوں نے مداحوں سے دعاؤں کی درخواست بھی کی۔
یاد رہے اس سے قبل امیتابھ بچن فلم کی شوٹنگ کے دوران حادثے کا شکار ہو کر شدید زخمی ہوگئے تھے۔