ایک دن انتخابات کرانے کی کوشش کر رہا تھا، ناکام ہو گیا، گورنر خیبر پختونخوا

image

پشاور: صوبہ خیبرپختونخوا کے گورنر حاجی غلام علی نے کہا ہے کہ ایک دن انتخابات کرانے کی کوشش کر رہا تھا، ناکام ہو گیا، تمام سیاسی جماعتیں ایک ہی دن انتخابات کی بات کر رہی ہیں۔

انہوں نے کہا ہم صوبے میں منصفانہ اور غیر جانبدار انتخابات کے خواہشمند ہیں، میں نے صوبائی حکومت کا خط الیکشن کمیشن کو بھیج دیا ہے۔ انہوں نے کہا الیکشن کی تاریخ گورنر نہیں الیکشن کمیشن دے گا، اگر گورنر کو اختلاف ہو تو پھر وہ تاریخ دیں گے۔

گورنر غلام علی نے کہا قبائلی اضلاع کے لوگ احتجاج کر رہے ہیں، صوبے کی نصف آبادی احتجاج پر ہے، تمام سیاسی جماعتیں اس کا حل نکالیں، سابق وزیر اعلیٰ بھی سوات میں الیکشن نہیں لڑ سکتا ہے۔

گورنر خیبرپختونخوا غلام علی نے کہا پنجاب اور خیبرپختونخوا کے ماحول میں فرق ہے، پنجاب میں سیاسی کشیدگی جب کہ خیبر پختونخوا میں دہشت گردی بڑھ رہی ہے۔

کے پی کے گورنرغلام علی نے کہا مولانا فضل الرحمان نے 15 لانگ مارچ کئے لیکن ایک گملہ نہیں ٹوٹا، وزیراعلیٰ کے ساتھ اچھے تعلقات ہیں، وہ مکمل با اختیار ہیں۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.