نماز اللہ کی پسندیدہ عبادت ہے، پھر کوئی جوان شخص کرے یا کوئی بچہ کرے تو ایسی عبادتوں کو اللہ سب سے زیادہ پسند فرماتے ہیں۔ بچوں کو نماز سکھانا مشکل کام ہے لیکن جب ان کو طریقہ اور تلاوت کرنی آ جائے تو وہ آذان ہوتے ہی نماز کی جانب دوڑتے ہیں۔ بڑے اپنی عبادتوں کی اتنی فکر نہیں کرتے جتنی بچے کرتے ہیں، یہ حقیقت ہے۔ لیکن اگر بچوں کو نماز پڑھنی نہ آئے تو ان کو شفقت سے اور پیار سے سکھانا بھی والدین کا فرض ہے۔
ویڈیو میں آپ دیکھ سکتے ہیں کہ کیسے بڑی بہن اپنے چھوٹے بھائی کو نماز پڑھنا سکھا رہی ہے اور باقاعدہ اشارے کر رہی ہے اپنی انگلی سے کہ کب بیٹھنا ہے اور کب کھڑے رہ کر تعوذ تسمیعہ پڑھنی ہے۔ اس ویڈیو کو لوگ بہت پسند کر رہے ہیں جس کی وجہ بہن کی بھائی کو نماز سکھانا اور دونوں کا اللہ سے قربت حاصل کرنا ہے۔