انگریزی ٹی وی سیریز سکسیشن کے چوتھے اور آخری سیزن میں کینڈل روئے کا کردار ادا کرنے والے اداکار جیریمی اسٹرونگ نے حقیقت میں دریا میں چھلانگ لگانے کی کوشش کی تاہم موقع پر موجود اسٹاف نے بچالیا۔
یہ سیریز فرضی کہانی پر مبنی ہے جس میں لوگن فیملی دنیا کی سب سے بڑی میڈیا اور انٹرٹینمنٹ کمپنی کی مالک ہے، ایمی ایوارڈزمیں ایچ بی او پردکھائے جانے والے ‘سکسیشن’ نے بہترین ڈراما کا ایوارڈ جیت لیاتھا۔
یہ ڈرامہ ایک ارب پتی لوگن روئے اور اس کے بچوں کے گرد گھومتا ہے جو اپنے باپ کی میڈیا سلطنت کے جانشین بننے کے خواہشمند ہوتے ہیں۔
ڈرامے کے اختتامی شاٹ میں دلبرداشتہ کینڈل روئے دریا کو دیکھ رہا ہوتا ہے اور اس کا باڈی گارڈ پیچھے سے اس پر نظر رکھے ہوتا ہے، جس کے بعد اسکرین سیاہ ہو جاتی ہے مگر سیٹ پر اسکرین کی عکسبندی کے دوران جیریمی اسٹرونگ نے دریا میں چھلانگ لگانے کی کوشش کی۔
میڈیا کو اپنے ایک انٹرویو کے دوران بتایا کہ مجھے یوں لگا کہ پانی مجھے بلا رہا تھا، جیسے ہی سین کٹ ہوا میں نے پانی میں جانے کی کوشش کی، میں بینچ سے اٹھا اور بہت تیزی سے بیرئیر پر چڑھ گیا، اس موقع پر اسکاٹ نکلسن میرے پیچھے بھاگا۔
مجھے نہیں معلوم کہ میں کیا کرنا چاہتا تھا اور اسکاٹ کو بھی کچھ معلوم نہیں تھا، مگر اس نے مجھے روک لیا، اس وقت مجھے لگ رہا تھا کہ کینڈل بس مرنا چاہتا ہے۔یعنی وہ اپنے کردار میں اتنے ڈوب گئے تھے کہ اس کے جذبات کے مطابق خودکشی کرنے کے لیے تیار ہو گئے تھے۔
ڈرامے میں کینڈل کے باپ لوگن روئے کا کردار ادا کرنے والے اداکار برائن کوس نے بتایا کہ جیریمی اسٹرونگ اپنے کام میں گم ہو جاتا ہے اور ہم اس کے بارے میں فکرمند ہیں۔