قومی ٹیم کے کپتان بابر اعظم اور محمد رضوان ہارورڈ یونیورسٹی پروگرام کے لیے امریکہ میں موجود ہیں اور وہاں ایجوکیشن پروگرام میں شرکت کر رہے ہیں۔ یہ کورس بزنس انٹرٹینمنٹ اور سپورٹس کے شعبے میں قیادت کی خصوصیات اجاگر کرتا ہے۔ ارورڈ یونیورسٹی کا ذیلی ادارہ بزنس سکول مختلف کورسز کراتا ہے جو مختصر دورانیے کے ہوتے ہیں یہ کورسز قیادت سے لے کر کارپوریٹ ایمرجنگ تک کے ہوتے ہیں جن میں دنیا بھر سے ایسے لوگ شریک ہوتے ہیں جو اپنی صلاحیتوں کا درست استعمال چاہتے ہوں۔
بزنس اور انٹرٹینمنٹ کے ساتھ کھیلوں کو ملا کر ہارورڈ کا ایک مختصر کورس ہے جس میں دنیا کے مشہور سپورٹس شخصیات حصہ لے چکی ہیں۔
بہرحال سوشل میڈیا پر ایک تصویر وائرل ہو رہی ہے جس میں بابر اعظم کلاس روم میں بیٹھے ہوئے مسکرا رہے ہیں جس پر ان کے چاہنے والے رشک کر رہے ہیں کہ اگر ایسا ہم جماعت ہو تو ہر کوئی آگے بڑھنے کی کوشش ان کے ساتھ پڑھ لکھ جائے۔
تصویر پر تبصرہ کرتے ہوئے لوگوں کا کہنا ہے کہ قومی ٹیم کے کپتان بابر اور اوپنر محمد رضوان نے کھیل کے میدان میں تو جھنڑے گاڑ لیے اب بابر بھائی امتحان میں بھی ٹاپ کرنے والے ہیں اس لیے مسکرا رہے ہیں۔