محمد رضوان اور کپتان بابر اعظم اس وقت امریکہ میں ہارورڈ بزنس اسکول میں ایگزیکٹو ایجوکیشن پروگرام میں شرکت کر رہے ہیں۔ ان کا یہ کورس 31 مئی سے 3 جون تک امریکی ریاست بوسٹن میں ہارورڈ بزنس اسکول کیمپس میں مکمل ہوگیا۔ اس دوران دونوں کھلاڑیوں کی ایک ساتھ پڑھنے کی ویڈیوز اور تصاویر نے صارفین کے دل جیت لیے۔
دونوں کھلاڑی ایک مقامی اسلامی فنڈ جمع کرنے کی تقریب میں شرکت کرتے نظر آئے جہاں انہوں نے اسلامی تعلیمات کے حوالے سے سیشنز میں گفتگو بھی کی اور مسجد کے لیے چندہ اکٹھا کرنے میں بھی اپنا حصہ ڈالا۔ وہیں کرکٹر محمد رضوان نے اپنی ہارورڈ کی غیرملکی ٹیچر کو قرآنِ پاک بھی تحفے کے طور پر پیش کردیا۔
ان کی یہ تصویر اس وقت سوشل میڈیا پر خوب وائرل ہو رہی ہے جس میں دیکھا جا سکتا ہے کہ رضوان اپنی استانی کو قرآن پیش کر رہے ہیں۔ اس تصویر پر تبصرہ کرتے ہوئے مداح کرکٹر کی تعریف کر رہے ہیں اور انہیں دنیا بھر میں محبت سے اسلامی تعلیمات کو بانٹنے والا مسیحا کہا جا رہا ہے۔