بچوں کے ساتھ جنسی استحصال اور زیادتی کرنا ایک جرم ہے جو صرف پاکستان یا بھارت نہیں بلکہ پوری دنیا میں بڑھتا جا رہا ہے۔ حال ہی میں ایک شو میں بھارتی اداکارہ سونم کپور نے انکشاف کیا کہ جب میں تقریباً 13 سال کی تھی تو میرا بھی جنسی استحصال کیا گیا، میرے لیے یہ واقعہ انتہائی تکلیف دہ تھا۔
میں بہت چھوٹی تھی جب میرے ساتھ یہ واقعہ پیش آیا تھا، میں ایک مال میں شاپنگ اور دوستوں کے ساتھ مووی دیکھنے گئی تھی، اس دوران ایک شخص نے مجھے نازیبا انداز میں privately چھوا تھا، اس واقعے پر میں سہم گئی تھی اور میرے لیے یہ کافی تکلیف دہ تھا۔
سونم کپور بات کرتے ہوئے کانپ اٹھیں اور کہا کہ میں نے اس واقعے کا ذکر آج تک کسی کے ساتھ نہیں کیا ہے، میں اس واقعے کو اب تک بھلا نہیں سکی ہوں۔
جس پر اداکارہ ودیا بالن کا کہنا تھا کہ اس میں سونم کا کوئی قصور نہیں ہے، بچوں کا جنسی استحصال کرنے والے افراد ذہنی مریض ہوتے ہیں۔