بے سُرے مزاحیہ گانوں کے وائرل ہونے کے بعد اب گلوکار چاہت فتح علی خان نے فلم
انڈسٹری میں بھی قدم رکھنے کا اعلان کر دیا ہے-
حال ہی میں چاہت فتح علی خان نے اپنے سوشل میڈیا اکاؤنٹ انسٹاگرام اور یوٹیوب چینل
پر رواں ماہ متوقع عیدالاضحیٰ کے موقع پر ریلیز کی جانے والی فلم کا ٹریلر شیئر کیا
ہے۔
گلوکار چاہت فتح علی خان نے فراز احمد کی ہدایتکاری میں بننے والی کامیڈی فلم ’سبق‘
کے ذریعے فلمی دنیا میں ڈیبیو کیا ہے۔
اس کامیڈی فلم میں دوسری شادی اور سوشل میڈیا انفلوئسنرز کی زندگی پر روشنی ڈالی
گئی ہے۔
چاہت فتح علی خان نے اپنی آنے والی فلم کا اعلان کرتے ہوئے بتایا ہے کہ ’میری پہلی
فلم، سبق، عید مبارک کے دن ریلیز ہو رہی ہے، انشاء اللّٰہ۔‘