پاکستان کے معروف نیوز اینکر شاہ زیب خانزادہ جو اپنے بے باک اندازِ صحافت کے لیئے جانے جاتے ہیں اب انٹرٹینمنٹ کی دنیا میں قدم رکھنے کو تیار ہیں۔
ان دنوں سوشل میڈیا پر انکی شوبز میں انٹری کی خبر تیزی سے پھیل رہی ہے اور صارفین انہیں اس نئے انداز میں دیکھنے کے لیئے کافی بے چین نظر آرہے ہیں۔
زرائع کے مطابق، شاہزیب ایک کرائم تھرلر کے ذریعے ٹی وی کی دنیا میں ڈیبیو کریں گے۔
اینکر نے ایک سسپنس تھرلر ڈرامہ لکھا ہے جس کی پروڈکشن سیونتھ اسکائی انٹرٹینمٹ کرے گا۔ جبکہ شاہزیب خانزادہ کے اس وژن کو ٹی وی ڈرامے کی شکل ڈائریکٹر وجاہت حسین سید دیں گے۔
اس سے متعلق ایک اور خبر سامنے آئی ہے کہ شاہزیب کے ہمراہ صبا قمر اور فیصل قریشی بھی اس کرائم تھرلر ڈرامہ کا حصہ ہونگے۔