پاکستان کے دوست ملک چین میں ممکنہ طور پر دنیا کا سب سے بڑا سونے کا ذخیرہ دریافت ہوا ہے۔
غیر ملکی میڈیا کے مطابق چین کے صوبے ہنان میں ایک اندازے کے مطابق 1 ہزار میٹرک ٹن اعلیٰ معیار کا سونا موجود ہے، اس سونے کے ڈپازٹ کی مالیت 83 ارب امریکی ڈالرز سے زائد بتائی جا رہی ہے۔
ابتدائی تحقیقات سے 2 کلومیٹر کی گہرائی میں تقریباً 300 میٹرک ٹن سونے کا پتہ چلا ہے، زیادہ گہرائی میں مزید سونے کے ذخائر ہونے کا اندازہ لگایا گیا ہے۔
اسٹیٹ بینک کو ایشیائی ترقیاتی بینک سے 500 ملین ڈالر کا قرض موصول
چین کے مقامی جیولوجیکل بیورو کے اندازے کے مطابق سونے کے مزید ذخائر تین ہزار میٹر کی گہرائی میں پائے جائیں گے، ایسا درست ہونے کی صورت میں سونے کے ذخائرکی مالیت 83 ارب ڈالرز ہو سکتی ہے۔
اس سے قبل سونے کے سب سے بڑے ذخائر جنوبی افریقا، انڈونیشیا، روس، چلی، امریکا اور دیگر ممالک میں موجود ہیں، اب چین بھی اس صف میں شامل ہو جائے گا۔