جنوبی وزیرستان کے علاقے وانا بازار میں پولیس گاڑی کے قریب ہونے والے ریموٹ کنٹرول دھماکے کے نتیجے میں دو عام شہری جاں بحق جبکہ 14 افراد زخمی ہو گئے ہیں۔
پولیس حکام کے مطابق دھماکا اس وقت ہوا جب پولیس کی گاڑی معمول کے گشت پر تھی۔ زخمیوں میں پولیس اہلکاروں کے ساتھ ساتھ عام شہری بھی شامل ہیں، جنہیں فوری طور پر قریبی اسپتال منتقل کر دیا گیا ہے۔ واقعے کے بعد اسپتالوں میں ایمرجنسی نافذ کر دی گئی ہے۔
دھماکے کے بعد علاقے کو گھیرے میں لے کر تحقیقات کا آغاز کر دیا گیا ہے جبکہ سکیورٹی فورسز نے سرچ آپریشن بھی شروع کر دیا ہے۔ ابتدائی تحقیقات کے مطابق دھماکا ریموٹ کنٹرول ڈیوائس کے ذریعے کیا گیا۔