کرکٹرز اور بالی وڈ ہیروئنز کی محبت کا سلسلہ، کس نے کس سے شادی کی

اتھیا شیٹی اور کے ایک راہل

،تصویر کا ذریعہ@KLRAHUL

،تصویر کا کیپشن

اداکارہ اتیا شیٹی اور کرکٹر کے ایل راہل کافی وقت سے ایک دوسرے کو ڈیٹ کر رہے تھے

انڈین کرکٹرز اور بالی ووڈ ہیروئنز کے درمیان عشق اور محبت کا رشتہ کافی پرانا ہے۔ ایسا ہی ایک نیا رشتہ اسی ہفتے قائم ہوا ہے۔ اداکار سنیل شیٹی کی بیٹی اتیا شیٹی اور کرکٹر کے ایل راہل 23 جنوری کو شادی کے بندھن میں بندھ گئے۔

 

اتیا کے پاپا سنیل شیٹی شادی کے بعد میڈیا کے سامنے آئے اور مٹھائی تقسیم کی۔ میڈیا سے بات کرتے ہوئے سنیل شیٹی نے کہا کہ ’ایک چھوٹی سی تقریب میں قریبی خاندان کے افراد کی موجودگی میں شادی ہو گئی ہے، اب میں باضابطہ طور پر سُسر بن گیا ہوں‘۔

 

انہوں نے کہا کہ رسیپشن آئی پی ایل کے بعد ہو سکتا ہے۔

کے ایل راہل نے اپنے انسٹاگرام پر لکھا، ’تمہاری روشنی میں، میں نے محبت کرنا سیکھا ہے‘۔

انہوں نے مزید لکھا کہ ’آج ہم نے اپنے قریبی اور عزیزوں کے درمیان اپنے گھر میں شادی کی، جہاں ہمیں بہت خوشیاں اور سکون ملا ہے۔ ہم آپ کی محبت کے لیے آپ کا شکریہ ادا کرتے ہیں اور اس سفر میں آگے بڑھنے کے لیے آپ کی دعاوں کے طلبگار ہیں‘۔

 

اتیا اور کے ایک راہل کی محبت اور ڈیٹنگ کی خبریں  کافی عرصے سے میڈیا میں چل رہی تھیں اور اکثر دونوں کو ایک دوسرے کے ساتھ دیکھا  جاتا تھا۔

 

تاہم کرکٹ اور بالی ووڈ کے درمیان محبت کا یہ رشتہ کافی پرانا ہے۔ مقبول جوڑیوں میں سب سے پہلے نواب منصور علی خان پٹودی اور اداکارہ شرمیلا ٹیگور کا نام آتا ہے۔ منصور علی خان پٹودی انڈین کرکٹ ٹیم کے کپتان تھے۔

 

فائل فوٹو

،تصویر کا ذریعہGetty Images

،تصویر کا کیپشن

شرمیلا ٹیگور اور نواب پٹودی کے بیٹے سیف علی خان

27 دسمبر 1969 کو نواب منصور علی خان پٹودی کی بارات فلم اداکارہ شرمیلا ٹیگور کے گھر پہنچی۔ ان دونوں کی جوڑی بھی بہت کامیاب رہی۔

 

ویراٹ کوہلی اور انوشکا شرما کی جوڑی انڈیا میں بہت مقبول ہے۔ شادی سے پہلے ان کے درمیان کئی بار جھگڑے  کی خبریں آئیں اور پھر 11 دسمبر 2017 کو دونوں نے اٹلی کے ایک جزیرے پر قریبی رشتہ داروں کی موجودگی میں شادی کر لی۔

 

 اب دونوں کی ایک بیٹی ہے جس کا نام وامیکا ہے۔

انوشکا اور ویراٹ کوہلی

ویراٹ انوشکا سے پہلے دسمبر 2016 میں کرکٹر یوراج سنگھ نے ماڈل  اداکارہ  ہیزل کیچ نے شادی کی تھی۔

 

ایک ٹی وی شو میں کرکٹر یوراج نے بتایا تھا کہ وہ تین سال سے ہیزل سے ملنے کی کوشش کر رہے تھے لیکن ہیزل ان کی جانب متوجہ ہی نہیں ہو رہی تھیں۔ جس کے بعد مشترکہ دوست نے دونوں کا تعارف کرایا۔

 

دونوں نے 2015 میں بالی میں منگنی کی اور دسمبر 2016 میں چندی گڑھ سے 40 کلومیٹر دور ایک گرودوارہ میں شادی کی۔ گزشتہ سال ہی انکے یہاں ایک بیٹے کی پیدائش ہوئی جس کا نام اورین کیچ سنگھ رکھا گیا۔

 

فائل فوٹو

،تصویر کا ذریعہBBC HINDI

،تصویر کا کیپشن

ہیزل کیچ اور کرکٹر یوراج سنگھ

انڈین ٹیم کے سابق فاسٹ بولر ظہیر خان نے 2017 میں فلم ’چک دے انڈیا‘ میں کام کرنے والی اداکارہ سگاریکا گھاٹگے سے شادی کی۔ اپریل 2017 میں دونوں کی منگنی ہوئی اور 23 نومبر 2017 کو دونوں کی شادی ہوگئی۔

فائل فوٹو

،تصویر کا ذریعہBBC HINDI

،تصویر کا کیپشن

کرکٹر ظہیر خان اپنی بیگم سگاریکا کے ساتھ

انڈین ٹیم کے شاندار سپن بالر ہربھجن سنگھ نے بالی ووڈ اداکارہ اور ماڈل گیتا بسرا سے 2015 میں بڑی دھوم دھام سے شادی کی۔ دونوں کی ملاقات لندن میں ہوئی تھی۔ گیتا بسرا انگلینڈ میں پیدا ہوئی تھیں۔

 

ہربھجن سنگھ اور گیتا بسرا نے ایک ٹیلی ویژن پروگرام میں بتایا کہ دونوں نے شادی سے پہلے آٹھ سال تک ایک دوسرے کو ڈیٹ کیا۔ اب دونوں کی ایک بیٹی بھی ہے۔

فائل فوٹو

،تصویر کا ذریعہharbhajan3

،تصویر کا کیپشن

کرکٹر ہربھجن سنگھ اور انکی بیگم گیتا بسرا

سابق مس انڈیا سنگیتا بجلانی اور انڈین کرکٹ ٹیم کے سابق کپتان محمد اظہر الدین کی ملاقات 1990 کی دہائی کے اوائل میں ہوئی تھی۔

 

اظہر پہلے ہی شادی شدہ تھے اور ان کے دو بیٹے تھے۔ لیکن سنگیتا کے لیے انہوں نے اپنی پہلی بیوی کو 1996 میں طلاق دے دی تھی۔ تاہم  2010 میں دونوں نے اپنی مرضی سے علیحدگی اختیار کر لی۔

 

فائل فوٹو

،تصویر کا ذریعہBBC HINDI

،تصویر کا کیپشن

کرکٹر اظہر الدین اور اداکارہ سنگیتا بجلانی کے درمیان علیحدگی ہو چکی ہے

پٹودی اور شرمیلا

،تصویر کا ذریعہBBC HINDI

،تصویر کا کیپشن

نواب پٹودی نے پیرس میں شرمیلا کو پرپوز کیا تھا

شرمیلا ٹیگور اور منصور علی خان پٹودی کی محبت کی کہانی کسی فلم سے کم نہیں۔ کہا جاتا ہے کہ نواب آف پٹودی نے شرمیلا کو منانے کے لیے بہت پاپڑ بیلے تھے۔

 

پٹودی چار سال تک شرمیلا کو خط لکھتے اور پھول بھیجتے رہے۔ انہوں نے پیرس کی ایک سڑک پر شرمیلا کو پرپوز کیا تھا۔ جس کے بعد دونوں نے 1969 میں شادی کر لی۔ یہ جوڑی 2011 میں پٹودی کی موت تک ساتھ رہی۔

 

ان کے اور شرمیلا کے تین بچے ہیں جن میں سیف علی خان اور سوہا علی خان بالی ووڈ میں ہیں۔