موسم کا حال بتانے والوں نے پنجاب کے مغربی اور بالائی علاقوں میں بارش اور پہاڑوں پر برفباری کی پیشگوئی کر دی۔
محکمہ موسمیات کا کہنا ہے کہ مغربی ہوائیں بدھ کی رات کو ملک کے مغربی علاقوں میں داخل ہوں گی جو 9 فروری کو ملک کے بالائی علاقوں تک پھیل جائیں گی۔
پی ڈی ایم اے کے مطابق 10 فروری تک مغربی ہوائیں شمالی علاقہ جات میں موجود رہیں گی۔ 9اور 10 فروری کو اسلام آباد، لاہور، گوجرانوالہ اور گجرات میں بارش کا امکان ہے۔
برفباری ، بارش اوردھند، ملک بھر میں شدید سردی
اس کے علاوہ حافظ آباد، منڈی بہاؤالدین، سیالکوٹ، نارووال ، فیصل آباد، ٹوبہ ٹیک سنگھ، جھنگ، قصور، شیخوپورہ اور ننکانہ صاحب میں بھی بارش متوقع ہے۔
پی ڈی ایم اے کے مطابق 8 سے 10 فروری کے دوران مری میں درمیانی سے شدید برفباری متوقع ہے جس سے سڑکیں بند اور گاڑیوں کی آمد ورفت میں خلل پیدا ہو سکتا ہے، مری میں لینڈسلائیڈنگ کا بھی خدشہ ہے۔
