لاہور قلندرز مسلسل دوسری بار چیمپیئن: ’اس سے اچھا فائنل میچ شاید ہی پہلے کبھی دیکھنے کو ملا ہو‘

لاہور قلندر کی ٹیم ملتان سلطان کو ایک رنز سے ہرا کر پاکستان سپر لیگ کے آٹھویں سیزن کی چیمپیئن بن گئی ہے۔

لاہور قلندرز جو چھ برس تک پی ایس ایل میں جیتنے کی جد و جہد کرتی رہی اب مسلسل دوسری مرتبہ پی ایس ایل کا فائنل جتنے والی پہلی ٹیم بن گئی ہے۔

سنیچر کو ہونے والے فائنل میں لاہور قلندرز قذافی اسٹیڈیم میں ملتان سلطانز کے خلاف اپنے اعزاز کا دفاع کرنے اتری تو اس کے کپتان شاہین آفریدی نے ٹاس جیت کر پہلے بیٹنگ کا فیصلہ کیا ، لاہور نے پہلے کھیلتے ہوئے مقررہ اوورز میں 200 رنز بنائے اور ملتان کو جیت کیلئے 201 رنز کا ہدف ملا۔

ملتان سلطان 20 اوور میں آٹھ وکٹوں کے نقصن پر 199 رنز بنا سکی اور صرف ایک رنز سے فائنل ہار گئی۔

اس سے قبل اسلام آباد یونائیٹڈ بھی دو بار پی ایس ایل چیمپئن بن چکی ہے۔ جبکہ ملتان سلطانز، کراچی کنگز، کوئٹہ گلیڈی ایٹرز اور پشاور زلمی ایک، ایک بار فاتح رہے۔

آٹھویں ایڈیشن کے فائنل میں لاہور قلندرز کے کپتان شاہین آفریدی نے آل راؤنڈر پر فارمنس دکھائی۔ جس کی وجہ سے پاکستانی سوشل میڈیا ان کی تعریفوں سے بھر گیا ہے۔ شاہین شاہ آفریدی نے بطور کپتان کی عمدہ اننگزکھیلتے ہوئے صرف 15 گیندوں پر 44 رنز بنائے۔ لاہور قلندرز کی کیچنگ اور گراؤنڈ فیلڈنگ بھی تیز تھی۔ شاہین شاہ آفریدی نے دوسرے سپیل میں پولارڈ، ٹم ڈیوڈ، انور علی اسامہ میر اور رائلی روسو کی اہم وکٹیں حاصل کیں۔

یہ دوسری مرتبہ ہے کہ لاہور قلندرز اور ملتان سلطانز کی ٹیمیں فائنل میں مدمقابل تھیں اور لاہور قلندرز نے یقینی بنایا کہ میچ کے نتائج بھی پہلے جیسے رہیں۔ گذشتہ برس بھی لاہور قلندرز نے ملتان سلطانز کو ہر کر چیمپیئن بنا تھا۔

پی ایس ایل 2023 کا آغاز قلندرز نے سلطانز کو ایک رن سے شکست دے کر کیا اور اسی نتیجے کے ساتھ ٹورنامنٹ کو ختم بھی کیا۔

سوشل میڈیا صارفین لاہور قلندرز کے کھلاڑیوں تعریف کرتے دکھائی دیے۔

ایک ٹوئٹر صارف تاشین قسام کا کہنا تھا ’زمان خان صاف طور پر پی ایس ایل کے بہترین بولر ہیں ۔ انھوں نے قلندرز کے لیے کر دکھایا۔

خدیجہ نامی صارف کا کہنا تھا ’کیا میچ تھا، کیا فائنل تھا، شاہین اور چیمپیئن لاہور قلندرز کامیابی سے اپنے اعزاز کا دفاع کرنے والے پہلے کپتان اور ٹیم بن گئے۔ اس وقت پر لاہوری ناچ رہا ہوگا۔‘

خالد حسین نامی صارف کے بھی کچھ ایسے ہیں جذبات تھی ان کا کہنا تھا ’اس سے اچھا فائنل میچ شاید ہی پہلے کبھی دیکھنے کو ملا ہو شاباش لاہور قلندر شاباش شاہین شاہ آفریدی ‘

ٹورنامنٹ کے اختتام پر دیے جانے والے اعزازات