Add Poetry

اگرچہ دور رہتے ہیں ہر ایک مطلبی سے ہم

Poet: Khalid Roomi By: KHALID ROOMI, Rawalpindi

 اگرچہ دور رہتے ہیں ہر ایک مطلبی سے ہم
بگاڑتے نہیں جہاں میں پر کبھی ، کسی سے ہم

سکندری کا خوف نے دبے ہیں قیصری سے ہم
ہیں سرخرو جہان میں خدا کی بندگی سے ہم

جو کارواں بچھڑ گیا تو گلستاں اجڑ گیا
تماشا بن گئے جہاں میں تیری دل لگی سے ہم

لٹائی جان ہم نے تیری شوخیوں کو دیکھ کر
کہ دل کو ہار بیٹھے اس ادائے دلبری سے ہم

بسی دل و نگاہ میں، ہوس کھڑی تھی راہ میں
ہوئے ہیں دور دیکھئے ! شعور و آگی سے ہم

وفاؤں کا صلا ملا ، لو ، زخم دل ہرا ہوا
جو منہ چھپا چھپا کے رو رہے ہیں بیکسی سے ہم

دعا کرو نہ ماند ہوں یہ میکدے کی رونقیں
سکون پا رہے ہیں اس بہار سرمدی سے ہم

بھلا جہاں میں روشنی کے ہم خلاف کب ہوئے ؟
لڑے ہوئے ہیں رومی ! پر شعاع مغربی سے ہم
 

Rate it:
Views: 502
07 Jun, 2011
Related Tags on General Poetry
Load More Tags
More General Poetry
Popular Poetries
View More Poetries
Famous Poets
View More Poets