Add Poetry

اک بار پھر وطن میں گیا جا کے آ گیا

Poet: Hafeez Jalandhari By: fahad, khi
Ek Baar Phir Watan Mein Gaya Jaa Ke Aa Gaya

اک بار پھر وطن میں گیا جا کے آ گیا
لخت جگر کو خاک میں دفنا کے آ گیا

ہر ہم سفر پہ خضر کا دھوکا ہوا مجھے
آب بقا کی راہ سے کترا کے آ گیا

حور لحد نے چھین لیا تجھ کو اور میں
اپنا سا منہ لیے ہوئے شرما کے آ گیا

دل لے گیا مجھے تری تربت پہ بار بار
آواز دے کے بیٹھ کے اکتا کے آ گیا

رویا کہ تھا جہیز ترا واجب الادا
مینہ موتیوں کا قبر پہ برسا کے آ گیا

میری بساط کیا تھی حضور رضائے دوست
تنکا سا ایک سامنے دریا کے آ گیا

اب کے بھی راس آئی نہ حب وطن حفیظؔ
اب کے بھی ایک تیر قضا کھا کے آ گیا

Rate it:
Views: 1545
10 Jan, 2017
More Hafeez Jalandhari Poetry
Popular Poetries
View More Poetries
Famous Poets
View More Poets