Add Poetry

تم کو بھلا رہی تھی کہ تم یاد آ گئے

Poet: انجم رہبر By: Aslam, Sydney
Tum Ko Bhala Rahi Thi Ki Tum Yaad Aa Gaye

تم کو بھلا رہی تھی کہ تم یاد آ گئے
میں زہر کھا رہی تھی کہ تم یاد آ گئے

کل میری ایک پیاری سہیلی کتاب میں
اک خط چھپا رہی تھی کہ تم یاد آ گئے

اس وقت رات رانی مرے سونے صحن میں
خوشبو لٹا رہی تھی کہ تم یاد آ گئے

ایمان جانئے کہ اسے کفر جانئے
میں سر جھکا رہی تھی کہ تم یاد آ گئے

کل شام چھت پہ میر تقی میرؔ کی غزل
میں گنگنا رہی تھی کہ تم یاد آ گئے

انجمؔ تمہارا شہر جدھر ہے اسی طرف
اک ریل جا رہی تھی کہ تم یاد آ گئے

Rate it:
Views: 965
05 Apr, 2021
More Anjum Rehbar Poetry
Popular Poetries
View More Poetries
Famous Poets
View More Poets