Fasadyon Se Jab Karachi Mein Lasani Fasadaat Ki Aag Bharkayi Gayi
Poet: M Usman Jamaie
یہ نُکڑ پہ جو بند ہے چائے خانہ
نشاں ہے محلے کا برسوں پُرانا
یہ ہوٹل سلامت رہے گا، کھلے گا
کُھلے گا
کراچی تُو زندہ رہے گا
بنارس پہ جو قافلہ رُک گیا ہے
جو اس چوک پر کب سے خائف کھڑا ہے
یقیناً وہ بے خوف ہوکر چلے گا
چلے گا
کراچی تُو زندہ رہے گا
سڑک کے کنارے وہ موچی کی پیٹی
کئی روز سے جس پہ تالا پڑا ہے
کسی صبح موچی یہیں پر ملے گا
ملے گا
کراچی تُو زندہ رہے گا
وہ ارضِ اورنگی کا ننھا سا بچہ
جو گولی کی تڑتڑ سے ڈر سا گیا ہے
وہ گلیوں میں دوڑے گا، کھیلے ہنسے گا
ہنسے گا
کراچی تُو زندہ رہے گا
وہ رکشا جو ڈرکے نہیں چل رہا ہے
کہیں کچے گھر پہ جو سہما کھڑا ہے
وہ لانڈھی کی گلیوں میں پِھر سے اُڑے گا
اُڑے گا
کراچی تُو زندہ رہے گا
وہ انچولی، گلشن کے خوش باش لڑکے
الآصف پہ کھانے نہیں آرہے جو
الآصف پہ پھر ان کا میلہ لگے گا
لگے گا
کراچی تُو زندہ رہے گا
وہ مزدا، وہ کنڈکٹروں کی صدائیں
جو اردو میں پشتو کے تیور جگائیں
یہ لہجہ سماعت میں گونجا کرے گا
کرے گا
کراچی تُو زندہ رہے گا
پَرے شہر سے جو دکاں پان کی ہے
کئی روز سے جو نہیں کُھل سکی ہے
شٹر اس کا سورج کو لے کر اٹھے گا
اٹھے گا
کراچی تُو زندہ رہے گا
Fasadyon Se Jab Karachi Mein Lasani Fasadaat Ki Aag Bharkayi Gayi Poetry - Urdu poetry is filled with so many emotions and insights. Just like this couplet of Patriotic poetry in which says Fasadyon Se Jab Karachi Mein Lasani Fasadaat Ki Aag Bharkayi Gayi. You will find 2 lines and ghazals in image & text form on Patriotic shayari. Within the vast realm of Urdu poetry, you'll discover a diverse spectrum of themes like sad, love, friendship, mother, father and Islam. Renowned poets such as Allama Iqbal, John Elia, Ahmad Faraz, and Mirza Ghalib has beautifully written Urdu shayari about these timeless themes.