Hai Saneha Pr Nigah'on ki Bhool Lagta Hai

Hai Saneha ! Pr Nigahon Ki Bhool Lagta Hai
Fareb Dena ! Wafa Ka Asool Lagta Hai

Kbhi Tha  Ronaq E Bazm  E Butaan E Zamzma Khwan
Wo Shakhs  Aaj ! K Sookha Babool Lagta Hai

Tere Firaq Ka Dukh Itna Mun Pasand Hua
K Bekashish Mujhe Tera Hasool Lagta Hai

Bahaar ! Raqs Knaan Hai Dil E Shikasta Me
Jo Zakhm Tujhse Mile, Mujhko Phool Lagta Hai

Agar Gharon Me Andhera Ho To Mazaron Par
Diye Jalana ! Mujhe To Fazool Lagta Hai

Ye Jhanjhana K Jo Palkon Ki Gir Gai Jhaalar
Nazar Ka Hogya Sajda Qabul, Lagta Hai

Main Shair Kehta Nahi ! Mujh Pe Shair Hote Hen
Amal Ye ! Dil Pe, Wahi Ka Nazool Lagta Hai

Ghalt Kaho ! K Sahi, Mujhko Karb E Tanhai
Khuda E Shair O Sukhan Ka Rasool Lagta Hai