Kesi Bakhshish Ka Yeh Saaman Hua Phirta Hai

Kesi Bakhshish Ka Yeh Saaman Hua Phirta Hai
Shehar Sara Hi Pareshan Hua Phirta Hai

Aik Barood Ki Jacket Aur Nara-E-Takbeer
Rasta Khald Ka Aasan Hua Phirta Hai

Kesa Aashiq Hai Tere Naam Pe Quban Hai Magar
Teri Har Baat Se Anjan Hua Phirta Hai

Shab Ko Shaitan Bhi Mange Panahain Jis Se
Subh Who Sahib-E-Emaan Hua Phirta Hai

Hum Ko Jakra Hai Yahan Jabar Ki Zanjeeron Ne
Ab To Yeh Shehar Hi Zandaan Hua Phirta Hai

Janay Kab Kon Kise Maar Day Kafir Keh Kar
Shehar Ka Shehar Musalman Hua Phirta Hai