Kisan

chir ke saal mein do baar zamin ka sina
dafn ho jaata hoon

gudgudate hain jo suraj ke sunahre nakhun
phir nikal aata hoon

ab nikalta huun to itna ki batore jo koi daman men
daman phat jaae

ghar ke jis kone men le ja ke koi rakh de mujhe
bhook vahan se hat jaae

phir mujhe piste hain, gundhte hain, senkte hain
gundhne senkne men shakl badal jaati hai

aur ho jaati hai mushkil pahchan
phir bhi rahta huun kisan

vahi khasta, bad-hal
qarz ke panja-e-khunin men nidhal

is daranti ke tufail
kuch hai maazi se ghanimat mira haal

haal se hoga hasin istiqbal
uthte suraj ko zara dekho to

ho gaya saara ufuq laln-lal