Kiya Hai Pyar Jise Hum Ne Zindagi Ki Tarah

Kiya Hai Pyar Jise Hum Ne Zindagi Ki Tarah

wo aashna bhi mila hum se ajnabi ki tarah

kise khabar thi barhegi kuchh aur tariki

chupega wo kisi badli mein chandni ki tarah

barha ke pyas meri us ne hath chor diya

wo kar raha tha murawwat bhi dil-lagi ki tarah

sitam to ye hai ki wo bhi na ban saka apna

qubul hum ne kiye jis ke gham khushi ki tarah

kabhi na socha tha hum ne 'qatil' us ke liye

karega hum pe sitam wo bhi har kisi ki tarah