Add Poetry

Mahfilain Lut Gayen Jazbat Ne Dam Tor Dia

Poet: Saghar Siddiqui By: Shahid Iqbal, Faisalabad

Mahfilain Lut Gayen Jazbat Ne Dam Tor Dia
Saaz Khamosh Hain Naghmaat Ne Dam Tor Dia

Har Mussarat Gham-E- Deeroze Ka Unwaan Bani
Waqt Ki God Main Lamhaat Ne Dam Tor Dia

An Gint Mahfilain Mahroom Charaghan Hai Abhi
Kon Kahta Hai Ke Zulmaat Ne Dam Tor Dia

Aaj Phir Bujh Gaye Jal Jal Ke Umeedon Ke Charagh
Aaj Phir Taaron Bhari Raat Ne Dam Tor Dia

Jin Se Afsana -E -Hasti Mai Tasalsul Tha Kabhi
In Mohabbat Ki Rawayaat Ne Dam Tor Dia

Jhilmilatay Huay Ashkon Ki Lari Toot Gayi
Jagmagati Huyi Barsaat Ne Dam Tor Dia

Haaay Aadab-E- Mohabbat Ke Takazay Saghir
Lab Hilay Aur Shikayaat Ne Dam Tor Dia
 

Rate it:
Views: 4340
23 Aug, 2012
More Saghar Siddiqui Poetry
Popular Poetries
View More Poetries
Famous Poets
View More Poets