Add Poetry

اپنی ہی تیغ ادا سے آپ گھائل ہو گیا

Poet: Munir Niazi By: hassan, khi
Apni Hi Tegh Ada Se Aap Ghayal Ho Gaya

اپنی ہی تیغ ادا سے آپ گھائل ہو گیا
چاند نے پانی میں دیکھا اور پاگل ہو گیا

وہ ہوا تھی شام ہی سے رستے خالی ہو گئے
وہ گھٹا برسی کہ سارا شہر جل تھل ہو گیا

میں اکیلا اور سفر کی شام رنگوں میں ڈھلی
پھر یہ منظر میری نظروں سے بھی اوجھل ہو گیا

اب کہاں ہوگا وہ اور ہوگا بھی تو ویسا کہاں
سوچ کر یہ بات جی کچھ اور بوجھل ہو گیا

حسن کی دہشت عجب تھی وصل کی شب میں منیرؔ
ہاتھ جیسے انتہائے شوق سے شل ہو گیا

Rate it:
Views: 2515
04 Nov, 2016
More Munir Niazi Poetry
Popular Poetries
View More Poetries
Famous Poets
View More Poets