آج ہم سے وہ بھی خفا نکلا

اس کی یادوں کا سلسلہ نکلا
ساری دنیا سے وہ جدا نکلا

ساری دنیا کو چھوڑ آیا ہوں
اک بھی آنسو نہ باخدا نکلا

جس نے برباد کیا ہے نسلوں کو
آدمی وہ لکھا پڑھا نکلا

آگ جس کھیت کو لگائی تھی
خوشہ ہر اک ہرا بھرا نکلا

لوگ جتنے بھی ساتھ میرے تھے
سب کا اپنا ہی مدعا نکلا

ایک لمحے کو وہ ملا ہم سے
زہر ہر لفظ میں بھرا نکلا

روز دیتا تھا جو دعا ہم کو
آج ہم سے وہ بھی خفا نکلا

اس کا قاصد بھی بے وفا نکلا
کیوں کہ وہ بھی لکھا پڑھا نکلا

ایک مدت کے بعد بھی دیکھا
میرا ہر زخم ہی ہرا نکلا

ہم نے ڈھونڈا بہت ہے دنیا میں
ان سا کوئی نہ دوسرا نکلا

ڈائری آج ہم نے کھولی تو
قصّہ اس کا ہی جا بجا نکلا

ہم نے سوچا تھا ہم مزاج جسے
ہم سے بالکل ہی وہ جدا نکلا

بات کرنی تھی جس سے ساری ہمیں
جانے کیوں ہم سے وہ خفا نکلا

بات کرتا تھا جو وفاؤں کی
آدمی وہ بھی بے وفا نکلا