Add Poetry

حسین ابنِ علی

Poet: م الف ارشیؔ By: Muhammad Arshad Qureshi, Karachi

نام نانا سے یہ ملا ہے مجھے
میرے اللہ کا آسرا ہے مجھے

لے کر آیا ہوں اپنے بچوں کو
کوئی مقتل بلا رہا ہے مجھے

اب یہیں پر لگا لو خیموں کو
دیکھو کربل پکارتا ہے مجھے

دین نانا کا میں بچاؤں گا
اپنے بابا سا حوصلہ ہے مجھے

حُر بھی لشکر سے پھر نکلتا ہے
حق پہ لڑتے جو دیکھتا ہے مجھے

بادشاہت کی کیا ضرورت ہے
فاطمہ زہرہ کی دعا ہے مجھے

تاقیامت کہے گا کربل یہ
ایک سجدہ سنوارتا ہے مجھے

Rate it:
Views: 1103
03 Sep, 2019
More Religious Poetry
Popular Poetries
View More Poetries
Famous Poets
View More Poets