Add Poetry

اُنہیں اِک اور مہلت چاہیے ہے

Poet: Mahmood hussain Aakif By: Mahmood hussain Aakif, Sialkot

اُنہیں اک اور مہلت چاہیے ہے
ہمیں بھی تو محبت چاہیے ہے

وصال و ہجر بھی اچھے ہیں لیکن
دلِ بسمل کو راحت چاہیے ہے

فقط ناراضگی کافی نہیں ہے؟
کہ گاؤں سے بھی ہجرت چاہیے ہے

لبادہ بے حسی کا اوڑھ لو پر
نگاہوں میں بھی نفرت چاہیے ہے

مری میت کو تم کندھا نہ دینا
ترے ماتھے یہ ذلت چاہیے ہے

بڑی حیرت ہے دشمن کو بھی ہم سے
عنایت پر عنایت چاہیے ہے

یہ تسبیح عشق کی تسبیح ہے عاکفؔ
عبادت میں بھی شدت چاہیے ہے

Rate it:
Views: 291
03 Sep, 2019
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets