Kabhi Kisi Ko Mukammal Jahan Nahin Milta

Kabhi Kisi Ko Mukammal Jahan Nahin Milta
Kahin Zamin Kahin asman Nahin Milta

Tamam Shahr Men Aisa Nahin Khulus Na Ho
Jahan Umiid Ho Is Ki Vahan Nahin Milta

Kahan Charaġh Jala.En Kahan Gulab Rakhen
Chhaten To Milti Hain Lekin Makan Nahin Milta

Ye Kya Azaab Hai Sab Apne Aap Men Gum Hain
Zaban Mili Hai Magar Ham-Zaban Nahin Milta

Charaġh Jalte Hi Bina.i Bujhne Lagti Hai
ḳhud Apne Ghar Men Hi Ghar Ka Nishan Nahin Milta