لُڑکتے لَوٹوں کی حکومت ہے
طِلسمی وَوٹوں کی حکومت ہے
جمہوریت کے پیرہن میں
بُوٹوں کی حکومت ہے
نظامِ قانون و عدالت میں
نوٹوں کی حکومت ہے
وزارت کے عہدوں پر
بھّدے موٹوں کی حکومت ہے
جھوٹ ، کردار کشی و بدگوٸی
سوچ کے چھوٹوں کی حکومت ہے
دفتر و ایوانِ بالا میں
فحش ہونٹوں کی حکومت ہے
جانے اب کیا ہوگا مستقبل مسلماں کا
شبہ ہے ایماں کے کھوٹوں کی حکومت ہے
لبِ صداقت سی لو ”اخلاق“
کہ جھوٹوں کی حکومت ہے