Add Poetry

محبت کرنے والے کم نہ ہوں گے

Poet: Hafeez Hoshiapuri By: tariq, khi
Mohabbat Karne Walay Kam Na Hon Ge

محبت کرنے والے کم نہ ہوں گے
تری محفل میں لیکن ہم نہ ہوں گے

میں اکثر سوچتا ہوں پھول کب تک
شریک گریۂ شبنم نہ ہوں گے

ذرا دیر آشنا چشم کرم ہے
ستم ہی عشق میں پیہم نہ ہوں گے

دلوں کی الجھنیں بڑھتی رہیں گی
اگر کچھ مشورے باہم نہ ہوں گے

زمانے بھر کے غم یا اک ترا غم
یہ غم ہوگا تو کتنے غم نہ ہوں گے

کہوں بے درد کیوں اہل جہاں کو
وہ میرے حال سے محرم نہ ہوں گے

ہمارے دل میں سیل گریہ ہوگا
اگر با دیدۂ پر نم نہ ہوں گے

اگر تو اتفاقاً مل بھی جائے
تری فرقت کے صدمے کم نہ ہوں گے

حفیظؔ ان سے میں جتنا بد گماں ہوں
وہ مجھ سے اس قدر برہم نہ ہوں گے

Rate it:
Views: 1635
12 Feb, 2020
More Hafeez Hoshiarpuri Poetry
Popular Poetries
View More Poetries
Famous Poets
View More Poets