Add Poetry

ہٹا دو تم ان آنکھوں سے یہ جو کاجل کا پہرا ہے

Poet: Tanzeem Akhtar By: Tanzeem Akhtar, doha

ہٹا دو تم ان آنکھوں سے یہ جو کاجل کا پہرا ہے
نہ جانے کب سے اک قطرہ اسی سرحد پہ ٹھہرا ہے

تصور میں اسے جب دیکھتا ہوں، ڈوب جاتا ہوں
سمندر تیری آنکھوں کا حقیقت میں جو گہرا ہے

میں تیری یاد کو کیسے بھلا خود سے الگ کردوں
ہمیشہ سامنے میرے حسیں تیرا ہی چہرا ہے

کسی سے عدل کی امید، کوئی کس طرح رکھے
سنے گا کون اب فریاد جب منصف ہی بہرا ہے

اتر جائے گا تیرے ہاتھ سے رنگِ حنا لیکن
مٹے گا نہ کبھی دل سے وفا کا نقش گہرا ہے

تمہارے بعد اے جاناں کہوں کیا حال ہے میرا
ہر اک منظر تھما سا اور لگے یہ وقت ٹھہرا ہے

Rate it:
Views: 1536
28 May, 2020
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets