Add Poetry

آئنہ اب جدا نہیں کرتا

Poet: Munir Niazi By: dua, lhr
Aina Ab Judda Nahi Karta

آئنہ اب جدا نہیں کرتا
قید میں ہوں رہا نہیں کرتا

مستقل صبر میں ہے کوہ گراں
نقش عبرت صدا نہیں کرتا

رنگ محفل بدلتا رہتا ہے
رنگ کوئی وفا نہیں کرتا

عیش دنیا کی جستجو مت کر
یہ دفینہ ملا نہیں کرتا

جی میں آئے جو کر گزرتا ہے
تو کسی کا کہا نہیں کرتا

ایک وارث ہمیشہ ہوتا ہے
تخت خالی رہا نہیں کرتا

عہد انصاف آ رہا ہے منیرؔ
ظلم دائم ہوا نہیں کرتا

Rate it:
Views: 2530
17 Jan, 2019
More Munir Niazi Poetry
Popular Poetries
View More Poetries
Famous Poets
View More Poets