اس دل کی سلطنت میں جو شمس وقمر نہیں

آنکھوں کی سر زمین سے کوئی گزر نہیں
اس دل کی سلطنت میں جو شمس وقمر نہیں

بانٹے گی کیا یہ پیار کے لحمے غریب کو
اس زندگی کو دوستو اپنی خبر نہیں

سب راز اپنے کہہ گئی بجھتے دیئے کی لو
شبِ حیات کی یہاں کوئی سحر نہیں

نخلِ خیال پر اگیں کانٹے جفاؤں کے
لیکن وفا کا آج بھی لگتا ثمر نہیں

اک حادثہ یقین کا منظر بدل گیا
آنکھوں پہ واقعات کا کوئی اثر نہیں

ویسے تو ہجر توں کی مسافت طویل ہے
وشمہ تمہاری داستاں بھی مختصر نہیں