Add Poetry

دے صنم حکم تو در پر ترے حاضر ہو کر

Poet: جلالؔ لکھنوی By: Sahir, Lahore

دے صنم حکم تو در پر ترے حاضر ہو کر
پڑ رہے کوئی مسلمان بھی کافر ہو کر

چٹکیاں لینے کو بس رہ چکے پنہاں دل میں
کبھی پہلو میں بھی آ بیٹھیے ظاہر ہو کر

جبہہ سائی کا ارادہ ہو تو پہنچا دے گا
در تک اوس بت کے خدا حافظ و ناصر ہو کر

غیر کیوں ہم کو اٹھاتا ہے تری محفل سے
آپ اٹھ جائیں گے برخاستہ خاطر ہو کر

ڈھونڈتے رہ گئے پہلو ہی تعجب ہے جلالؔ
حال دل اوس نے نہ تم کہہ سکے شاعر ہو کر

Rate it:
Views: 271
21 Oct, 2021
Related Tags on Sad Poetry
Load More Tags
More Sad Poetry
Popular Poetries
View More Poetries
Famous Poets
View More Poets