Add Poetry

زمیں چھوڑ کر میں کدھر جاؤں گا

Poet: Adil Mansuri By: jabeen, khi
Zamee Chor Kar Mein Kidhar Jaoon Ga

زمیں چھوڑ کر میں کدھر جاؤں گا
اندھیروں کے اندر اتر جاؤں گا

مری پتیاں ساری سوکھی ہوئیں
نئے موسموں میں بکھر جاؤں گا

اگر آ گیا آئنہ سامنے
تو اپنے ہی چہرے سے ڈر جاؤں گا

وہ اک آنکھ جو میری اپنی بھی ہے
نہ آئی نظر تو کدھر جاؤں گا

وہ اک شخص آواز دے گا اگر
میں خالی سڑک پر ٹھہر جاؤں گا

پلٹ کر نہ پایا کسی کو اگر
تو اپنی ہی آہٹ سے ڈر جاؤں گا

تری ذات میں سانس لی ہے سدا
تجھے چھوڑ کر میں کدھر جاؤں گا
 

Rate it:
Views: 1712
08 Aug, 2017
Related Tags on Adil Mansuri Poetry
Load More Tags
More Adil Mansuri Poetry
Popular Poetries
View More Poetries
Famous Poets
View More Poets