زندگانی میں کٹھن وقت جہاں دیکھے ہیں

زندگانی میں کٹھن وقت جہاں دیکھے ہیں
‎موسمِ گل میں چھپے دورِ خزاں دیکھے ہیں

‎قلب میں زہر بھرے اور لبوں پر مسکان
‎ہم نے ایسے بھی کئ شیریں زباں دیکھے ہیں

‎چشمِ بینا نہ سہی‛چشمِ بصیرت سے مگر
‎کتنے سینوں میں چھپے سوزِ نہاں دیکھے ہیں

‎اس گزرتے ہوئے ہر لمحے کی آواز کے ساتھ
‎زندگانی ترے قدموں کے نشاں دیکھے ہیں

‎دوش پر اپنے اٹھائے ہوئے گھر کتنے پھریں
‎بے مکانی کا گلہ کرتے بھی یاں دیکھے ہیں

‎تیرے ہونٹوں کی یہ مسکان فقط ایک فریب
‎غم کے سائے تری آنکھوں سے عیاں دیکھے ہیں

‎زیست کے سود و زیاں پر بھی نظر رکھ ہمدم
‎تونے ہیکل کے عبث عزم جواں دیکھے ہیں