Add Poetry

شاعری

Poet: ہانزیب ساحر By: ہارون, Islamabad

وہ چاند رت کے حسین لمحوں کی شاعری ہے
کہ اس کی باتیں ہزار سالوں کی شاعری ہے

یہ خشک پتے کہ جیسے راہوں میں لفظ بکھرے
اداس موسم میں ان درختوں کی شاعری ہے

ہماری آنکھیں اداس غزلوں کے قافیے ہیں
ہمارا چہرہ پرانے وقتوں کی شاعری ہے

تمہارا ہنسنا ہماری نظموں کی ابتدا تھی
ہمارا رونا تمہاری آنکھوں کی شاعری ہے

یہ صرف حرفوں کی تاب کاری کا زہر کب ہے
خدا کے بندو یہ ہم غریبوں کی شاعری ہے

Rate it:
Views: 1122
21 Jan, 2022
Related Tags on Urdu Ghazals Poetry
Load More Tags
More Urdu Ghazals Poetry
Popular Poetries
View More Poetries
Famous Poets
View More Poets