Add Poetry

عالم ذات میں جھانکو کوئی کب اچھا ہے

Poet: احمد عقیل By: Samuel, karachi

عالم ذات میں جھانکو کوئی کب اچھا ہے
دیکھنے والے سمجھتے ہیں کہ سب اچھا ہے

رونے لگتا ہوں تو آتے ہیں دلاسے دینے
شعر پڑھتا ہوں تو کہتے ہیں عجب اچھا ہے

جانتا ہوں تو کسی اور سے مل کر خوش ہے
چل ترے پیار میں مرنے کا سبب اچھا ہے

جب فقیروں کی بھی کردار کشی کی تو نے
کیسے مانے گا کوئی تیرا نسب اچھا ہے

حال پوچھا تھا کسی نے ترے دیدار کے بعد
بائیں پہلو کو دبایا کہا اب اچھا ہے

آخری بار ملا بیٹھا رہا ساری رات
جانے والے کی عنایات کا ڈھب اچھا ہے

تو وہ دیپک ہے کہ شیدائی ہزاروں جس کے
مجھ سے بے یار و مددگار کا رب اچھا ہے

Rate it:
Views: 203
05 Oct, 2021
Related Tags on Islamic Poetry
Load More Tags
More Islamic Poetry
Popular Poetries
View More Poetries
Famous Poets
View More Poets