لرزش عشق کی تادیب مجھے لے ڈوبی
Poet: حیاء غزل By: Haya Ghazal, Karachiلرزشِ عشق کی تادیب مجھے لے ڈوبی
رنجشِ یار کی تعذیب مجھے لے ڈوبی
حاشیئے کھینچ کے عادی تھی سطر لکھنے کی
زندگی میں یہی ترتیب مجھے لے ڈوبی
حوصلہ ہوتا اگر تیرا قصیدہ لکھتی
تجھ گریزاں کی تو تشبیب مجھے لے ڈوبی
میں نے نفرت کا صلہ اسکو محبت سے دیا
میرے پُرکھوں کی یہ تہذیب مجھے لے ڈوبی
اس زمانے نے میاں ہم کو بھی للچایا بہت
زہدِ مکار کی ترغیب ہمیں لے ڈوبی
درد کو نم سے ملاتی تھی بناتی تھی ہنسی
کیمیا سازی کی ترکیب مجھے لے ڈوبی
کچھ بھی پوجا نہ سوا ایک بتِ بے پرواہ
خانہء دل کی یہ تنصیب مجھے لے ڈوبی
میں نے انکار کیا جھوٹے خداؤں کا حیا
کیا اناؤں کی یہ تکذیب مجھے لے ڈوبی ؟؟
Rate it: 
Views: 874
30 Apr, 2019
More Urdu Ghazals Poetry
زندگی نے میرا اصل حق ادا نہ کیا زندگی نے میرا اصل حق ادا نہ کیا
میرے سوجانے پر تو نے ملال نہ کیا..
میرے سوجانے پر تو نے ملال نہ کیا..
Muhammad Hamza Saeed Bhatti
زندگی جو تھی وہ بھی ہاتھ سے گئی زندگی جو تھی وہ بھی ہاتھ سے گئی
دکھ یہ ہے کہ وہ اصل حقدار سے گئی..
دکھ یہ ہے کہ وہ اصل حقدار سے گئی..
Muhammad Hamza Saeed Bhatti
