Add Poetry

میں کہانی میں لوٹ آؤں گا

Poet: عمیر قریشی By: عمیر قریشی, اسلام آباد

یا تو جینے سے ڈر گیا ہوں میں
یا حقیقت میں مر گیا ہوں میں

مجھ سے ڈرتے ہیں اب در و دیوار
بعد مدت جو گھر گیا ہوں میں

اب نہ سوچوں گا بات طے کی تھی
بات کر کے مکر گیا ہوں میں

موت سے ہے نباہ کی امید
زندگی سے تو ڈر گیا ہوں میں

عکس اس کا بنا کے کاغذ پر
رنگ لفظوں میں بھر گیا ہوں میں

میں کہانی میں لوٹ آونگا
یہ نہ سمجھو کہ مر گیا ہوں میں

بحر غم دیکھ تو ترے اندر
موج بن کر اتر گیا ہوں میں

Rate it:
Views: 518
09 Jun, 2015
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets